புக்கிட் துங்கு தோட்ட, 40,000 ரிங்கிட் கோயில் பிரச்சனை மர்மம் ! எப்படி தீர்க்கப்பட்டது ?

புக்கிட் துங்கு தோட்டக் கோயில் பிரச்சனை, நீண்ட நாட்கள் காத்திருப்பிற்கு பின் ரிம40 ஆயிரம் இழப்பீட்டுடன் ஒரு தீர்வுக்கு கொண்டு வரப்பட்டது

1990களில் தோட்ட போராட்டங்கள்

இழப்பீட்டுத் தொகை 40 ஆயிரம்-  புக்கிட் துங்கு தோட்ட கோயில் விவகாரம்

2015 ஆம் ஆண்டின் முற்பகுதியில், காஜாங்கில் உள்ள பி.எஸ்.எம் சேவை மையத்திற்கு ஒரு குழு இந்தப் பிரச்சினையைப் பற்றி விவாதிக்க வந்தது. அவர்களில் சிலர் பி.எஸ்.எம் உறுப்பினர்களாகவும் உள்ளனர். எனவே, மார்ச் 3, 2015 அன்று அகுர்ஜெயாவுக்கு ( Syarikat AkurJaya) ஒரு கடிதம் எழுத உதவினோம். அந்த கடிதத்தில், 1999ல் தோட்டத்தை விட்டு தொழிலாளர்கள் வெளியேறிய பிறகு, அவர்களுக்கு 40 ஆயிரம் ரிங்கிட் இழப்பீடு வழங்கப்படவில்லை என தெரிவிக்கப்பட்டுள்ளது. இந்தக் கடிதம் மார்ச் 8, 2015 அன்று அகுர்ஜெயா சார்பாக திரு.மனோஹரன் தனிப்பட்ட முறையில் பெற்றுக்கொண்டார். ஆனால், அதற்குப் பிறகு எந்தப் பதிலும் வராததால் பிரச்னை மீண்டும் அமைதியானது.

2017-ல் புக்கிட் துங்கு தோட்டத்திற்கு அடுத்துள்ள பாங்கி தோட்டத்தில் நாங்கள் வெற்றி பெற்றபோது இந்த விவகாரம் மீண்டும் சூடு பிடித்தது. வெற்றி கொண்டாட்டத்திற்கு வந்த பலர்  புக்கிட் துங்கு தோட்டப் பிரச்சினை குறித்து கேட்டனர்.

 புக்கிட் துங்கு தோட்டத்தின் முன்னாள் தொழிலாளர்கள் என்னிடம் கூறியதாவது: கோவிலுக்கு வழங்கப்பட்ட 40,000 ரிங்கிட் பணம் இருந்ததாகவும், பணம் காணாமல் போனதாகவும் கூறினார்கள். இது  சில தரப்பினரால் துஷ்பிரயோகம் செய்யப்பட்டுள்ளதாக பல ஊகங்கள் பேசப்பட்டது. சிலர் இது பழைய செயற்குழுயாக இருக்கலாம் என்றும் சிலர்  என்யூபிடபயூ -NUPW பணம் விளையாடி இருக்கலாம் என்றும் கூறினார்கள். நான் தாமசேகரனை தொடர்பு கொண்டேன், அவர் ஒப்பந்தம் இருப்பதாகவும், ஆனால் பணம் கொடுக்கப்படவில்லை என்றும் கூறினார். எனவே ஒரு தொழிலாளர்கள் குழு பணத்தைப் பெற என்னிடம் உதவி கேட்டனர். இதற்கு முன் நாங்கள் போராட்டத்தின் போது உங்களிடம் உதவி கேட்கவில்லை ஆனால் இந்த முறை எங்களுக்கு உதவுங்கள் என்றும் கூறினார்கள்.

 

முதல் கூட்டம் மற்றும் செயற்குழு உருவாக்கம்

அதனால் அவர்களின் கதைகளைக் ஆர்வத்தோடு கேட்க ஆரம்பித்தேன். ரிம 40,000 திரும்பப் பெற புக்கிட் துங்கு தோட்ட  முன்னால் தொழிலாளர்களின் சம்மதத்துடன் ஒரு குழுவை அமைக்கவும் பரிந்துரைத்தேன்.

அந்த புதிய உற்சாகத்தைத் தொடர்ந்து, அக்குர்ஜெயா அலுவலகத்திலிருந்து எங்களிடம் இருந்த ஒரே எண்ணான மனோகரனின் கைபேசி எண்ணுக்கு அழைத்தேன். மனோகரன் ஓய்வுபெற்றுவிட்டார் என்றும், திரு.லீ பூன் சீயை தொடர்பு கொள்ள வேண்டும் என எனக்குத் தெரிவிக்கப்பட்டது.

எனவே, செயற்குழு மற்றும் சில முன்னாள்  தொழிலாளர்கள் மற்றும் மண்ணின் மைந்தர் சங்கத்தின் முதல் கூட்டத்தில், ஆகஸ்ட் 29, 1996 அன்று கையெழுத்திட்ட ஒரு ஆவணம் எனக்கு மீண்டும் வழங்கப்பட்டது. அந்த நேரத்தில் நாங்கள் 23 ஆண்டுகளுக்கு முன்பு நடந்த விஷயங்களை விவாதித்தோம்.  புரூக்லாண்ட்ஸ் சிலாங்கூர் ரப்பர் நிறுவனத்தின் இரண்டு பிரதிநிதிகள் கையெழுத்திட்ட 2006 ஒப்பந்தத்தில், அதாவது டாக்டர். சூங் என்ஜின் க்வி மற்றும் திரு. வோங் சான் லூங். தொழிலாளர்கள் சார்பாக, சிலாங்கூர் மாநில NUPW, V. தாமசேகரன் மற்றும் தோட்டத் தொழிலாளர்களின் மற்ற ஒன்பது பிரதிநிதிகள் மற்றும் தோட்ட NUPW பிரதிநிதிகள் தலைமையில் மொத்தம் 10 பேர் ஒப்பந்தத்தில் கையெழுத்திட்டுள்ளனர். தற்போது யார் இருக்கிறார்கள் என்று நான் கேட்டப்போது, ​​ஒன்பது  பேரில் இருவர் திருமதி பிலோமினா மற்றும் திரு ஆறுமுகம் குப்பன்  இறந்து விட்டார்கள் என்றும் அவர்களில் சிலர் வயதானவர்களாகவும் நலிவடைந்தவர்களாகவும் இருப்பதாக எனக்குத் தெரிவிக்கப்பட்டது.

ஒப்பந்தத்தில் உள்ள முக்கிய நபர்களான கோயில் தலைவர் முத்துசாமி, துணைத்தலைவர் ரெங்கசாமி, கோயில் செயற்குழு செயலாளர் முத்தையா ஆகிய மூன்று பேரும் இன்னும் உயிருடன் இருப்பது எனது அதிர்ஷ்டம். இக்கூட்டத்தில் மண்ணின் மைந்தர் சங்கத்தின் தேவேந்திரன், சோமு ஆகியோரும் கலந்துகொண்டனர்.

ஆகஸ்ட் 2019 இல் ஒரு சந்திப்பு நடைபெற்றது. இந்த சந்திப்பு பாங்கி லாமா பாலர் பள்ளியில்  நடைபெற்றது, அங்கு மகேந்திரன் என்ற மற்றொரு நண்பர் சந்திப்பிற்கான இடத்தை எங்களுக்குக் கொடுத்தார். தேர்வு செய்யப்படும் கோயில் செயற்குழுக்கு நிறுவனம் RM 40 ஆயிரத்தை இழப்பீடாக வழங்கும் என்று கூறும் எட்டாவது (xiii) ஒப்பந்தத்தில் உள்ள ஒரு ஷரத்தை நாங்கள் விவாதித்தோம். இருந்தும், கோயில் கட்டப்படவில்லை என்பதும், அப்போது புக்கிட் துங்கு தோட்ட கோயில் செயற்குழுயும் இல்லை என்பதும் தெரியவந்தது. இது நாம் எதிர்கொள்ளும் பிரச்சனையை சிக்கலாக்கியது.

இந்த முக்கியமான சந்திப்பில், அங்கிருந்த அனைவரும் நான் அவர்களுக்கு உதவுவேன் என்று உண்மையில் எதிர்பார்த்து, பிஎஸ்எம்மிடம் தங்கள் நம்பிக்கையை வெளிப்படுத்தினர். நாம் ஒன்றாகப் போராடுவோம் என்ற நிபந்தனையின் பேரில் நான் ஒப்புக்கொண்டேன், அதே கூட்டத்தில் ஒரு செயற்குழு தேர்ந்தெடுக்கப்பட்டது.

எனவே புக்கிட் துங்கு தோட்ட கோயில் இழப்பீட்டுக் குழு என்று நாங்கள் 8 பேர் கொண்ட ஒரு குழு தொடங்கப்பட்டது. சோமசுந்தரம்  செல்லையா, லெட்சுமணன்  அழகன், விஸ்வநாதன்  பந்தன், சுந்தர்  அரிகிருஷ்ணன், முருகன்  சுப்பரமணியம், ரகு  சுப்ரமணியம், விஸ்வநாதன்  குள்ளன் மற்றும் சுப்ரமணியம்  செல்லையா  ஆகியோர் குழுவில் இருந்தனர்.

கூட்டத்தில், அனைத்து தரப்பினரையும் ஈடுபடுத்தவும், மற்ற முன்னாள் தொழிலாளர்களின் ஒப்புதலைப் பெறவும் பல முயற்சிகளை மேற்கொண்டதால், தோழர் லெட்சுவை தலைவராக இருக்குமாறு கேட்டுக் கொள்ளப்பட்டது.

 

அகுர்ஜெயா நிறுவனத்துடனான பேச்சுவார்த்தைகள்

இறுதியாக நாங்கள் அகுர்ஜெயாவின் இயக்குனர் பீட்டர் லீக்கு ஒரு கடிதம் எழுதினோம்.  கடிதம் 18 செப்டம்பர் 2019 தேதியிடப்பட்டது மற்றும் 23 செப்டம்பர்-2019 அன்று இந்த நிறுவனத்திடம் ஒப்படைக்கப்பட்டது. அந்தக் கடிதத்தில் கோயில் தலைவர் முத்துசாமி, கோயில் துணைத் தலைவர் ரெங்கசாமி, கோயில் செயலர் முத்தையா ஆகியோர் தங்களுக்கு இன்னும் இழப்பீடு கிடைக்கவில்லை என்று கூறியதாகத் தெரிவிக்கப்பட்டுள்ளது. அதனால் நேரில் சந்தித்து பேச கேட்டோம்.

இதைத் தொடர்ந்து, அக்டோபர் 10, 2019 அன்று அகுர்ஜெயா அலுவலகத்தில் ஒரு கூட்டம் நடைபெற்றது, கூட்டத்தில் திரு. பீட்டர் லீ, அவரது உதவியாளர் லீ பூன் லியாங் மற்றும் அவர்களது வழக்கறிஞர்கள் கலந்து கொண்டனர்.

40,000 ரிங்கிட் இன்னும் தங்கள் சேமிப்பில் இருப்பதாக பீட்டர் லீ தெரிவித்தபோது நாங்கள் நிம்மதியடைந்தோம். மேலும், பணத்தைத் ஒப்படைப்பதில் எந்தப் பிரச்சினையும் இல்லை, ஆனால் முந்தைய ஒப்பந்தம் இருந்ததால், அவர்களும் தயங்கினார்கள், பணத்தை உண்மையாக பெறுபவர்களுக்கு வழங்க விரும்புவதாகவும் அவர் கூறினார். முதல் கூட்டத்தில், கோயிலோ, கோயில் செயற்குழுயோ இல்லாததால், அங்கீகாரம் பெற்ற அமைப்புக்கு பணம் செலுத்த வேண்டும் என்று முன்மொழிந்தோம். எனவே எங்கள் கருத்தை சரிபார்க்க அவர்கள் ஒரு வழக்கறிஞரை அணுக ஒப்புக்கொண்டனர்

ரிம 40 ஆயிரம் இழப்பீடு யாருக்கு?

நவம்பர் 10, 2019 அன்று, நான் செயற்குழு மற்றும் அனைத்து முன்னாள் முக்கிய பொறுப்பாளர்களுடனும் ஒரு கூட்டத்தை நடத்தி, பணத்தை எவ்வாறு நிர்வாகிக்க வேண்டும் என்று கேட்டேன். 7 பேர் உயிருடன் இருந்தாலும் நான்கு பேர் மட்டுமே கூட்டத்திற்கு வந்தனர். அகுர்ஜெயாவோ முதலில் கையொப்பமிட்டவர்களின் அனுமதியை எதிர்ப்பார்த்தனர். கூட்டத்தில் இரண்டு கருத்துக்கள் இருந்தன, ஒன்று அனைத்து தோட்ட தொழிலாளர்களுடனும் பணத்தைப் பகிர்ந்து கொள்ள வேண்டும், இரண்டாவது பி.எஸ்.எம் கணக்கில் பணத்தைப் போட வேண்டும், பின்னர் முன்னாள் புக்கிட் துங்கு தோட்ட தொழிலாளர்களான  மண்ணின் மைந்தன் சங்கத்திடம் கொடுக்கலாம். அவர்கள் அந்த  இழப்பீட்டை உதவி தேவைபடுவோர்க்கு பயன்படுத்தலாம்.

அதே சமயம், கோயிலின் முன்னாள் முக்கிய பொறுப்பாளர்கள் முத்துசாமி, முத்தையா, ரெங்கசாமி ஆகிய மூவருக்கும் அந்த பணம் கொடுக்க வேண்டும் என்ற முயற்சியும் எடுக்கப்பட்டது. இருப்பினும், இந்த கடிதத்தில் 39 பேர் கொண்ட பட்டியலில் இருந்து சுமார் 26 பேர் மட்டுமே கையெழுத்திட்டுள்ளனர். உண்மையான எண்ணிக்கை 47 பேர்.

இந்த திட்டத்தில் பலர் அசௌகரியமாக இருப்பதால், மக்கள் பிரச்சனைகள் மற்றும் தொழிலாளர் பிரச்சனைகளை கையாள்வதில் பி.எஸ்.எம் இன் நேர்மையில் பலர் நம்பிக்கையுடன் இருப்பதால், பி.எஸ்.எம் இன் கணக்கில் பணம் வைக்கப்பட வேண்டும் என்ற வலுவான உந்துதல் இருந்தது. இருப்பினும், நான் ஏற்றுக்கொள்ளவில்லை மற்றும் பி.எஸ்.எம் கணக்கில் பணம் போடுவதை விரும்பவில்லை. இதை நடைமுறைப்படுத்த கடிதம் பெறப்படும் என்றனர். அதிருப்தியின் காரணமாக, மார்ச் 10, 2020 அன்று பி.எஸ்.எம் அலுவலகத்தில் மற்றொரு கூட்டத்திற்கு அழைப்பு விடுத்தேன், அங்கு செயற்குழுயையும், கோயில் செயற்குழுயையும், மண்ணின் மைந்தன் சங்கத்தின் பிரதிநிதியையும் வருமாறு கேட்டுக் கொண்டேன்.

எனவே 10 மார்ச் 2020 அன்று இந்த மூன்று குழுவின் பல பிரதிநிதிகள் கலந்து கொண்ட கூட்டத்தில், அனைத்து பணத்தையும் 47 முன்னாள் தோட்ட தொழிலாளர்களுக்கு சமமாக பங்கிடுவது என்று முடிவு செய்யப்பட்டது. எனவே அதன்பிறகு இன்னும் யார் உயிருடன் இருக்கிறார்கள், அவர்களின் வாரிசுகள் போன்றவற்றை கண்டறியும் பணி நடந்தது.

 

சட்டப்பூர்வ தீர்மானம் (SD) ஒரு தீர்வானது

அதன்பிறகு, நான் பீட்டர் லிம்முக்கு ஒரு கடிதத்தை அனுப்பினேன், அது ஏப்ரல் 20, 2020 அன்று அவருக்கு மின்னஞ்சலில் அனுப்பப்பட்டது. 47 முன்னாள் தோட்ட தொழிலாளர்களுக்கு பணம் கொடுப்பதற்கு சம்மதிக்க, உயிருடன் இருக்கும் 7 பேர் -முன்னால் கோயில் செயற்குழு ஒரு சட்டபூர்வ தீர்மானம் (SD) செய்ய பரிந்துரைத்தேன். புக்கிட் துங்கு தொழிலாளர்கள் மற்றும் இறந்தவர்களுக்கு, அவர்களின் இறப்புச் சான்றிதழை நாங்கள் வழங்கவும் சம்மதித்தோம். அகுர்ஜெயா வட்டி செலுத்துவாரா என்றும், இல்லையெனில் ஒவ்வொரு நபரும் RM 851.06 கிடைக்குமா என்றும் கேட்டோம். இந்தக் கடிதத்தின் நகலை NUPW சிலாங்கூர் திரு தாமசேகரனிடமும் கொடுத்தோம்.

இருப்பினும், 2020 இல் நாடு கோவிட் 19 தொற்றுநோயால் பாதிக்கப்பட்டது, பீட்டரைச் சந்திக்க மிகவும் தாமதமானது, மேலும் நினைவூட்டல் மின்னஞ்சலையும் அனுப்பினேன். அவர்களின் வழக்கறிஞரும் எதுவும் சொல்லவில்லை. இறுதியாக பீட்டர் லிம் 29 ஜூன் 2020 அன்று எங்களைத் தொடர்புகொண்டு 1 ஜூலை 2020 அன்று சந்திப்பை நடத்த ஒப்புக்கொண்டார்.

கூட்டத்தில், அகுர்ஜெயா அவர்களின் வழக்கறிஞர்களின் ஆலோசனையைப் பெற்ற பிறகு, நிறைய வேலை தேவைப்படும் ஒரு செயல்முறையை பரிந்துரைத்தார். அனைத்து முன்னாள் புக்கிட் துங்கு தோட்டத் தொழிலாளர்களுக்கும் இப்போது பணம் செலுத்தும் வகையில் சட்டப்பிரிவைத் திருத்த புதிய ஒப்பந்தம் கையெழுத்திடப்பட வேண்டும் என்று அவர்கள் விரும்புகிறார்கள். அவ்வாறு செய்ய, இந்த ஒப்பந்தத்தில் திருத்தம் செய்ய NUPW இலிருந்து திரு. தாமசேகரன் மற்றும் இன்னும் உயிருடன் உள்ள அனைவரிடமிருந்தும் எடுக்கப்பட்ட சட்டப்பூர்வ தீர்மானம் (SD) தேவை என்றனர்.

கோவிட் நேரத்தில் சட்டப்பூர்வ தீர்மானம் (SD) சேகரிக்கும் பணி மற்றும் 47 முன்னாள் புக்கிட் துங்கு தோட்ட தொழிலாளர்களைக் கண்டறிதல்

அதன்பிறகு, 47 பேரைக் கண்டுபிடித்து, அவர்களின் அடையாள அட்டைகளைப் பெற்று, அவர்கள் சட்டப்பூர்வ ஆணையரைச் சந்தித்து, சட்டப்பூர்வ தீர்மானம் -SD கையெழுத்திட ஏற்பாடு செய்வது மிகவும் கடினமான வேலையாக இருந்தது.

லெட்சு, முருகா, சுந்தர் ஆகிய மூவரும் பணியை பிரித்து சட்டப்பூர்வ தீர்மானம் (SD) கையொப்பமிடத் தேடிய கடின உழைப்புக்கும் ஆவணப்படுத்தல் பணியை செய்த செமினி பி.எஸ்.எம் இன் முழுநேர பணியாளர்  பரமேசுக்கும் நன்றி தெரிவித்துக் கொள்கிறோம்..

கோவிட் 19 தொற்றுநோயின் போது, ​​சில நேரங்களில் சாலைகள் மூடப்படும், சில சமயங்களில் மக்களுக்கு கோவிட்.  ஒருமுறை லெட்சு அழைத்து வந்த 6 முன்னாள் தொழிலாளர்கள் கோவிட் நோயால் பாதிக்கப்பட்டனர். அவர்கள் அனைவரும் வயதானவர்கள் என்பதால்  நாங்கள் கவலை அடைந்தோம், மற்றும் செமினி பி.எஸ்.எம் அலுவலகமும் ஒரு வாரத்திற்கு மூடப்பட்டது.

இறுதியில் இந்த பணி வெற்றிகரமாக முடிந்தது. பின்னர் மீண்டும் பீட்டர் லிம்மை தொடர்பு கொண்டோம். ஜனவரி 19, 2022 அன்று, கையொப்பமிடப்பட்ட சட்டப்பூர்வ தீர்மானம் -SD யை நாங்கள் வழங்கினோம்,  47 பேரில் 10 பேர் இறந்துவிட்டனர். மீதமுள்ள 37 பேரின் சட்டப்பூர்வ தீர்மானம் -SD  பெறப்பட்டது. அதில் ஒருவர்  கையெழுத்திட்ட பிறகு இறந்தார்.

இறுதியாக, திருத்தப்பட்ட ஒப்பந்தத்தில் கையெழுத்திட அகுர்ஜெயா தயாரானது.. அனைத்து ஆவணங்களும் மதிப்பாய்வு செய்யப்பட்ட பின்னர், இறுதியாக மார்ச் 24, 2022 அன்று லயன் அலுவலக கட்டிடத்தில் ஒப்பந்தம் கையெழுத்திட திட்டமிடப்பட்டது. இருப்பினும், பீட்டர் லிம் கோவிட் நெருங்கிய தொடர்பு என்பதால் , பீட்டர் லீக்கும் தாமசேகரனுக்கும் இடையேயான ஒப்பந்தம் கையெழுத்திடும் விழா தள்ளிவைக்கப்பட்டது. பிறகு புதிய தேதி ஏப்ரல் 1, 2022 நிர்ணயிக்கப்பட்டு  நானும் சில செயற்குழு உறுப்பினர்களையும் சாட்சியாக கொண்டு புதிய ஒப்பந்தம் கையெழுத்திடப்பட்டது .

 

ரிம40,000 இறுதியாக அனைவருக்கும் வழங்கப்படும்

இறுதியாக  பாலர் பள்ளியில் ஒரு விழா ஏற்பாடு செய்யப்பட்டது, அங்குதான் நாங்கள் செயற்குழுவைத் தொடங்கினோம், 47 நபர்களில் 43 பேருக்கு வரும் 29 மே 2022 காசோலை வடிவில் பணம் வழங்கப்படும். மீதமுள்ளவர்களுக்கு சில வாரிசு பிரச்சினைகள் உள்ளன, அவை தீர்க்கப்பட வேண்டும்.

இது ஒரு பெரிய வெற்றியல்ல, இருப்பினும் செயற்குழுயின் தலைவர் திரு.லெட்சு இதில் நிறைய உழைப்பும் விடாமுயற்சியுடன் ஈடுபட்டதாலும் இந்த முயற்சியைப் பற்றி எழுதுமாறு கேட்டுக் கொண்டார்.  40,000 ரிங்கிட் மர்மம் இறுதியாக எப்படி தீர்க்கப்பட்டு முன்னாள் புக்கிட் துங்கு தோட்ட தொழிளாலர்களுக்கு வழங்கப்பட்டது என்பதற்கான பதிவு இது.

சு.அருட்செல்வன் 1.19am 25-5-2022