மரியாதைக்குரிய YB NGA KOR MING அவர்களுக்கு பி.எஸ்.எம். கட்சியின் திறந்த கடிதம்

8 அக்டோபர் 2025

நகர்ப்புற புதுப்பித்தல் திட்டமிடல் சட்டம் (URA) மசோதாவை அடுத்த ஆண்டுக்கு ஒத்திவைக்க அறிவுறுத்தப்படுகிறது!

மரியாதைக்குரிய YB NGA KOR MING...  அவர்களுக்கு,

குடியிருப்பு சங்கங்கள், தேசிய வீடு வாங்குபவர்கள் சங்கம் மற்றும் அரசியல் கட்சிகள் உள்ளிட்ட பல குழுக்கள் நியாயமான கவலைகளை எழுப்பியுள்ளதால், நகர்ப்புற புதுப்பித்தல் சட்டத்தின் தாக்கல் அடுத்த ஆண்டுக்கு ஒத்திவைக்குமாறு நான் உங்களை மிகவும் மரியாதையுடன் கேட்டுக்கொள்கிறேன். திருத்தப்பட்ட மற்றும் மேம்படுத்தப்பட்ட மசோதா நாடாளுமன்றத்தில் தாக்கல் செய்யப்படுவதற்கு முன்பு பரந்த ஒருமித்த கருத்தை அடையும் வகையில் இந்தக் கவலைகள் கவனிக்கப்பட வேண்டும்.

PSM, இதற்கு முன்பு இது தொடர்பாக முன்வைத்த சில முக்கிய பிரச்சினைகளில் அரசாங்கம் கவனம் செலுத்துமாறு கேட்டுக்கொள்கிறது (மற்ற அமைப்புகள் எழுப்பியுள்ள அம்சங்களுக்கு கூடுதலாக).

முதலாவது பிரச்சினை வாடகையாளர்கள் குறித்ததாகும். தற்போது முன்மொழியப்பட்டுள்ள மசோதாவில், இந்த விவகாரம் குறித்த எந்தவித குறிப்பும் இல்லை. பழுதடைந்த பல குடியிருப்பு அடுக்குமாடிகளில், குறைந்த வருமானம் கொண்ட பல குடும்பங்கள் வாழ்ந்து வருகின்றன, ஏனெனில் அந்தக் கட்டிடங்களில் வாடகை குறைவாக உள்ளது.

மசோதாவின் பிரிவு 4-ல் குறிப்பிடப்பட்டுள்ள அறிக்கையில், இவ்வாறான வாடகையாளர்களைப் பற்றிய தரவுகள் இடம்பெற வேண்டும். மேலும், திட்டமிடப்படும் மறுசீரமைப்பு நடவடிக்கைகள் அவர்களின் குடியிருப்பு தேவைகளை கருத்தில் கொள்ள வேண்டியது அவசியம்.

இத்தகைய சூழலில், மாநில அரசுகள் மறுசீரமைப்பு திட்டம் நடைமுறைக்கு வரும் அருகிலுள்ள பகுதியில் “PPR”  அடுக்குமாடி குடியிருப்புகளை அமைத்து, அந்தக் குடும்பங்களுக்கு அவர்களுக்கு ஏற்ற விலைகளில் வீடுகளை வாடகைக்கு வழங்குவது பொருத்தமானதாக இருக்கும்.

இரண்டாவது அம்சமாக, PSM வலியுறுத்த விரும்புவது — மறுசீரமைப்பு திட்டங்கள் இறுதியாக உறுதி செய்யப்படும் முன், உள்ளூர் சமூகத்தின் ஆலோசனை பெறப்பட வேண்டும் என்பதாகும். தற்போது முன்மொழியப்பட்டுள்ள மசோதாவில், இதற்கான எந்தவித ஏற்பாடும் இல்லை.

நகர்ப்புற புதுப்பித்தல் பெரும்பாலும் அதிக மக்கள் தொகை அடர்த்திக்கு வழிவகுக்கும். இது போக்குவரத்து நெரிசலை ஏற்படுத்துமா அல்லது உள்கட்டமைப்பு போதுமானதாக இல்லாததால் திடீர் வெள்ளத்தை ஏற்படுத்துமா? குழந்தைகள் விளையாடுவதற்கு பசுமையான இடங்கள் இருக்குமா? இவை அனைத்தும் அந்தப் பகுதியை மீண்டும் அபிவிருத்தி செய்வதற்கான திட்டத்தில் கவனிக்கப்பட வேண்டும்.

 மேலும், மறுசீரமைப்பு செய்ய திட்டமிடப்பட்ட இடத்தின் 1 கிலோமீட்டர் சுற்றளவில் வசிக்கும் அனைவரையும் உள்ளடக்கிய உள்ளூர் சமூகத்திற்கு, தங்களின் கருத்து மற்றும் பின்னூட்டங்களை வழங்குவதற்கான வாய்ப்பு வழங்கப்பட வேண்டும்.

பொது ஆலோசனை (Public Consultation) மசோதாவில் கட்டாயமாக சேர்க்கப்பட வேண்டும்; திட்டமிடுபவர்கள் தங்கள் கவலைகளை போதுமான அளவு நிவர்த்தி செய்யவில்லை என்று பொதுமக்கள் உணர்ந்தால், அவர்கள் புகார் அளிக்க தெளிவான வழிகளுடன், மசோதாவில் பொது ஆலோசனை கட்டாயமாக்கப்பட வேண்டும்.

அதேநேரத்தில், மசோதாவின் பிரிவு 14(2)-இல் குறிப்பிடப்பட்டுள்ள இணக்கம் ஊக்குவிக்கும் குழுவிற்கு (Mediation Committee) கூட, பொதுமக்கள் தங்கள் குறைகளைத் தெரிவிக்க முடியுமெனும் வாய்ப்பையும் வழங்குவது பொருத்தமானதாக இருக்கும். இந்தப் பின்னணியில், பிரிவு 10(3) மற்றும் 11(3) ஆகியவை நீக்கப்படுவது அவசியம். இந்த இரு பிரிவுகளும், ஒரு நபர் திட்டம் பற்றிய அறிவிப்பைப் பெற்ற 30 நாட்களுக்குள் எதிர்ப்பைச் சமர்ப்பிக்காவிட்டால், அவர் அதற்கு சம்மதித்தவர் எனக் கருதப்படுவார் என்று கூறுகின்றன. இது மிகவும் கடுமையானது மற்றும் ஜனநாயகத்திற்கு விரோதமானது.

இறுதியாக, நகர்ப்புற புதுப்பித்தல் மத்தியஸ்தக் குழுவின் (Urban Renewal Mediation Committee) சுயாட்சி அல்லது சுதந்திரம் தொடர்பானது ஆகும். 

முன்மொழியப்பட்ட மசோதாவின் பிரிவு 14(2) இல், இந்த இணக்கப்பாட்டு குழுவை நியமிக்கும் அதிகாரம் கூட்டாட்சி மற்றும் மாநில செயற்குழுவிற்குக் கொடுக்கப்பட்டுள்ளது. எனினும், அந்தச் செயற்குழுவே திட்டம் குறித்து முடிவெடுக்கும், டெவலப்பரைத்  தேர்ந்தெடுக்கும், மற்றும் மறுசீரமைப்பு திட்டங்களை அங்கீகரிக்கும் அமைப்பாகவும் செயல்படுகிறது.

நிர்வாகக் குழுவின் நேரடி கட்டுப்பாட்டின் கீழ் இல்லாவிட்டால் மட்டுமே மத்தியஸ்தக் குழு பாரபட்சமற்றதாகவும் நியாயமாகவும் இருக்க முடியும். நகர்ப்புற புதுப்பித்தல் மத்தியஸ்தக் குழுவின் உறுப்பினர்களைத் தேர்ந்தெடுக்கும் பொறுப்பில் உள்ள ஒரு சுயாதீனமான குழுவை வரையறுக்க மசோதாவின் பகுதி IV மறுசீரமைக்கப்பட வேண்டும்.

இதனால், இணக்கப்பாட்டு குழு முழுமையான நடுநிலை மற்றும் நியாயமான வகையில் செயல்பட வேண்டுமெனில், அது செயற்குழுவின் நேரடி கட்டுப்பாட்டிலிருந்து விடுபட்டிருக்க வேண்டும்.

அதற்காக, மசோதாவின் பகுதி IV-ஐ மறுசீரமைத்து, நகர்ப்புற மறுசீரமைப்பு இணக்கப்பாட்டு குழுவின் உறுப்பினர்களைத் தேர்ந்தெடுக்கும் ஒரு சுயாதீனத் தேர்வு குழுவை (Independent Selection Committee) நிறுவுவதற்கான விதிகள் தெளிவாக வரையறுக்கப்பட வேண்டும்.

அந்த சுயாதீனத் தேர்வு குழுவில், ஓய்வு பெற்ற நீதிபதிகள், மூத்த தொழில்முறை நிபுணர்கள், தொழிற்சங்க தலைவர்கள், மற்றும் குடியிருப்பாளர்கள் சங்கத்தின் பிரதிநிதி  ஆகியோர் இடம்பெற வேண்டும்.

மாநில சுல்தான் அல்லது ஆளுநர், மேலே குறிப்பிட்டுள்ள தேர்வு குழுவின் பரிந்துரையின் பேரில், இணக்கப்பாட்டு குழுவின் உறுப்பினர்களை மூன்று ஆண்டுகளுக்கு ஒருமுறை நியமிக்க வேண்டும். மேலும், இணக்கப்பாட்டு குழுவிற்கு தங்களின் கடமைகளை சிறப்பாக நிறைவேற்ற போதுமான நிதி ஒதுக்கீடு வழங்கப்பட வேண்டும், இதன்மூலம் பணியாளர்களை நியமித்து அதன் பொறுப்புகளை திறம்படச் செய்ய முடியும்.

“அதிகாரப் பிரிவு” (Separation of Powers) என்ற இந்தக் கொள்கை, நமது நாட்டின் சிறந்த நிர்வாகத்திற்கான அடிப்படை தத்துவமாகும். எந்த ஒரு சரிபார்ப்பு மற்றும் சமநிலைக் கருவி (check-and-balance mechanism) அமைக்கப்பட்டாலும், இந்தக் கொள்கை கடைப்பிடிக்கப்படுவது மிக அவசியம்.

இத்தகைய அமைப்பு, அரசின் நிறைவேற்று பிரிவிலிருந்து (executive branch) சுயாதீனமாக இருக்க வேண்டும். இல்லையெனில், நிறைவேற்று அதிகாரத்துடன் ஒத்துப் போகாத குழுக்கள் அல்லது தரப்புகளுக்கு எதிராக இத்தகைய அமைப்பு அரசியல் ஆயுதமாகப் பயன்படுத்தப்படும் அபாயம் உள்ளது.

பல்வேறு அமைப்புகள் வெளியிட்டுள்ள கவலைகளை அரசு நேர்மையாக எடுத்துக்கொண்டு, அவற்றை வெளிப்படுத்தி தீர்வு காணும் வாய்ப்பை வழங்குவதன் மூலம், மடானி அரசு எதிர்கால நிர்வாகங்களுக்கு ஒரு நல்ல முன்னுதாரணமாக விளங்குமென நாங்கள் நம்புகிறோம்.

இது, நகர்ப்புற புதுப்பிப்பு சட்ட மசோதா (URA Bill) வில் பொருத்தமான திருத்தங்களின் மூலம் நிறைவேற்றப்படலாம்.

நன்றி

டாக்டர் ஜெயக்குமார் தேவராஜ் 

மலேசிய சோசலிசக் கட்சியின் தேசியத் தலைவர்